Măng 26/11/2025, ta Hà Nội, Trung ương Hội Liên hiệp Druh ndăm Việt Nam, Trung ương Hội Doanh  nhân Việt Nam ƀư an ndơ nkhôm Sao Đỏ-Doanh nhân mom Việt Nam ntoh lư năm 2025. Năm aơ, 100 doanh nhân mom gĭt blău ngăn dơi ntô̆ n’hao moh săk, tâm nĕ 10 nuĭh ntoh lư ngăn sŏk Ndơ nkhôm Sao Đỏ-ndơ nkhôm djôt dơn rgâl mĭn ƀư mhe, n’hâm soan mât uănh n’hanh rgop nsum mpôl.

Lơn lah, Hội đồng săch nsum lĕ tâm ban ŭch dăn đă Trung ương Hội Liên hiệp Druh ndăm Việt Nam uănh an ndơ nkhôm Sao Đỏ dơi lap năm 2025 an 1 doanh nhân mpơl saơ nuih n’hâm, rlet rlău nău rêh njê gay hao tâm nău rêh, geh nău ƀư wăng sa săk rnglăy n’hanh rgop uĕh an nsum mpôl. Ăp doanh nghiệp mpeh tâm TOP 100 dŏng lĕ drăp ndơ bơi 3 rkeh rmen prăk, sŏk geh rlău 310 rbăn rmen prăk, ndơ̆ an tơm prăk bơi 21 rbăn rmen prăk n’hanh nta an nău kan bơi 60.000 nuĭh. Ăp rnoh mrô aơ mĭn lah tay nău ƀư hăn lor bah rmôt doanh nhân mom tâm âk ntil nău khlay kơt công nghiệp, prăk kaih-ngân hàng, ŭnh nar nkra njêng, logistics, công nghệ, ntĭm nti, dŏng ndơ n’hanh neh ntu ngih wâl kloh uĕh.