Nar aơ, ta Quảng trường Ba Đình (Hà Nội) ƀư Lễ nkah ndray, n’grĭng, hăn tahen nkah ndray 80 năm Cách mạng Khay pham geh nău dơi n’hanh Quốc khánh 2/9. Ndrel đah nê lah du rut âk nău kan văn hóa, njroh mprơ, pănh pháo kao….ƀư lam dak.  

Nau ƀư nkah 80 Cách mạng Khay pham geh nau dơi ndrel Quốc khánh 2/9 geh ăp nau kan tơm: Vơt ŭnh vay ơm, mbah cờ, Răk nau bah Rđau kan Đảng, Ngih dak; păng phao kao, ndeh mpăr knung mpar rhơn; leo hăn jâng ăp rmôt tahen. Ăp nau leo hăn jâng đah bơi tât 16 rbăn cán bộ, tahen, công an ndrel ntoh măt ăp kơn ƀon lan, ăp rnoi mpôl...ăp ndeh tahen leo hăn geh âk rmôt, tahen dak lêng, tahen trôk, pháo binh, tăng thiết giáp...ndrel âk neh êng. Tahen 4 dak Nga, Trung Quốc, Lào, Campuchia kŏ leo rmôt tahen tât râng. Jêh rnôk hăn rlet lễ đài, ăp rmôt tahen hăn rlet du đê̆ trong têh gay ntoh nau tâm dăh dơh đah ăp rmôt ndrel ƀon lan.

Kalơ trôk Hà Nội, Quân chủng Phòng không - Không quân ƀư 9 rmôt mpăr đah rlău 30 bôk ndeh păr lah ndeh păr kung, ndeh păr rdeng ndơ, ndeh păr tiăr nti tâm lơh, ndeh păr phản lực n’hanh ndeh păr tiêm kích, ƀư jêng âk rmôt mpăr tâm Lễ nkah ndray. Ndrel đah rnôk dja, ta nkual dak lêng Cam Ranh (Khánh Hòa), ăp mpôl tahen dak lêng, ƀư n’grĭng hăn tahen dak lêng đŏng, n’hanh dơi pơk ƀoh sŏng dăng tât Quảng trường Ba Đình.

tâm rnôk aơ, âk nau kan văn hoá, njroh mprơ dôl geh tâm lam dak. Ta Hà Nội, nau mpa n’hơ “80 năm ntrong Đăp mpăn-dah rŏng-ueh lăng” jŏ pơk mpông dơm kơl an ƀon lan tât uănh ntơm lơ 28/8 tât 5/9/2025, ta ntŭk mpla n’hơ bah neh dak, Cổ Loa, Đông Anh, Hà Nội. Nau mpla n’hơ geh nau râng bah 34 n’gor, nkuăl ƀon têh, 28 n’gâng kan ndrel ntŭk kan ntoh lư lam dak. Nau mpla n’hơ mbơh, mpla ăp nau dơi khlay bah neh dak tâm 80 năm ndâk njêng ndrel hun hao tâm ăp nau kan. Nkre lah, mbơh nau ơm ueh Việt Nam đah nau vay ơm ueh ma rbăn năm; nau âk ntil ơm yau bah 54 rnoi mpôl; nau âk ntil bah neh ntu, ndơ geh 3 nkuăl neh ndrel ăp ntŭk ntu ntoh lư bah kăl e ndrel aƀaơ bah lam dak.

Radio nău ngơi Việt Nam râng  pla n’hơ đah ntŭk pla n’hơ “80 năm Nău ngơi Việt Nam hăn ndrel neh dak”. Lơn lah ta aơ lam nuĭh mbra rlong uănh saơ công nghệ thực tế ảo "Plơ̆ sĭt du rân huêng khlay": dâk ta Quảng trường Ba Đình 80 năm bah năp nơh, djăt Kruanh Hồ Chí Minh dâk ta lễ đài rŏ Tuyên ngôn độc lập, tâm mông nar ât ndâm huêng khlay, rngot rhơn ât n’hâm, prih ƀhĭp tâm nău tap ti n’gôr, nău nteh ntroh weo bah rmưn rbăn ƀon lan, ndrel nsum ti mât njrăng neh dak. Tâm bar pe nar dơm, “Plơ̆ sĭt du rân huêng khlay” hŏ wơt hang rmưn rbăn nuĭh ƀon lan tât uănh n’hanh rlong saơ.

Tâm nkuăl Tây Nguyên-Nam Trung bộ, âk nau kan văn hoá, njroh mprư, thể thao, pănh phao kao...kŏ geh ƀư tâm lam ăp nkuăl gay kơl an ƀon lan tât uănh. Ntoh ngăn lah nau rgum ƀư “Nau ueh bah bri yôk-dak lêng tâm rnglăp” tâm n’gor Gia Lai; Du pơh ƀư nau kan văn hoá, pâl n’aih-ndơ sa ndrel bôk nau kan njroh mprơ geh ƀư tâm n’gor Dak Lak’ Nau mpla n’hơ “Lâm Đồng-50 năm rklaih n’gor Gia Lai-Kon Tum tâm Quảng trường Đại đoàn kết, Pleiku, n’gor Gia Lai; nau mpla n’hơ “âk ntil nau rgum” ndrel nau pla n’hơ nkô̆ nau kan cà phê ndrel dnơ OCOP tâm Buôn Ma Thuột, n’gor Dak Lak.

Ndrel rơh, Nkual ƀon têh Hồ Chí Minh mbra chrat ang đah 4 ntŭk pănh pháo kao đŏng. Ntŭk rgum tơm tâm rêng kan ta Nkual ƀon têh dja hôm lah bôk nău kan njroh mprơ mha êng ƀư ta 3 ntŭk: trong Nguyễn Huệ (Quận 1), sân khấu bah dih Công viên nklang nkual ƀon têh mhe (phường Bình Dương) n’hanh Quảng trường Thùy Vân (phường Vũng Tàu).

Ta nkual Tây Nguyên – Nam Trung Bộ, nău kan văn hóa, njroh mprơ, thể thao, pănh pháo kao… dơi ƀư lam ăp ntŭk gay rhŏ dŏng ƀon lan đŏng. Ntoh lư lah Lễ hội “Rsang rnglăy bri dak têh hvi – dak lêng ư̆r wăch rgum” ta Gia Lai; Pơh Lễ Văn hóa – Pâl nđaih  – ndơ sa n’hanh bôk nău kan njroh mprơ n’gor Dak Lak; Rêng pla n’hơ “Lâm Đồng- 50 năm nău rhơn dơn ngoăy”, pla n’hơ kao rup uĕh ta Đà Lạt, n’gor Lâm Đồng; Rêng pla n’hơ 50 năm rklaih luh Gia Lai – Kon Tum ta Quảng trường Đại đoàn kết, Pleiku, n’gor Gia Lai; rêng pla n’hơ “Săk ntơr wăch rgum” ndrel Hội chợ pla n’hơ way nkô̆ n’gâng kan cà phê n’hanh ndơ geh ƀư OCOP ta Buôn Ma Thuột, n’gor Dak Lak …