Lơ 7/8, n’gâng kan ntĭm n’hanh nti ƀư rơh rƀŭn nchră trực tuyến mbơh tơih nău kan tâm rlong “Lam dak tâm rlong rgâl mhe mĭn kan n’hanh rgâl mhe rnoh mbrô” n’hânh nău kan “Bình dân học vụ”. Rơh rƀŭn nchră geh tâm rgop tât klâp ma 600 ntŭk tâm mâp bâh ăp n’gâng kan ntĭm n’hanh nti, ăp ntŭk kan ntĭm nti đại học n’hanh ntĭm nti nău kan ta lam dak. Ntoh ngơi ta rơh rgŏ jă nău kan tâm rlong. Groi kruanh n’gâng kan ntĭm n’hanh nti Nguyễn Văn Phúc lah na nê̆, rgâl mhe rnoh mbrô tâm nău kan ntĭm nti pơk trong an ăp rơh nkhêp ê hŏ tă geh gay ma dơi geh n’hao nău dơi ueh ntĭm n’hanh nti, rgâl mhe trong kan ntĭm nti, nuĭh kan bâh trong ntĭm nti, pơk hvi rơh nkhêp tât dăch đah nău gĭ bâh ăp nuĭh ƀon lan. Gay ma nău kan dơi geh săk rnglăy âk ngăn, lam n’gâng kan mbra geh rgum ƀư tĭng ueh 8 nău kan tơm khlăy, tâm nĕ n’hao nău ntĭm nti rnoh mbrô n’hanh ăp nău pah kan mĭn uănh khoa học an kon hoc, sinh viên. Ta rơh rƀŭn nchră, ndơn kan ăp ntŭk ngih nt, ntŭk kan ntĭm n’hanh nti lĕ nkoch mpeh ăp nău tă blău kan mbơh tơih ăp nkô̆ nău, bôk nău kan mpeh rgâl mhe rnoh mbrô n’hanh Bình dân học vụ, nkre lah mbơh dăn trong kan gay ma nău kan ƀư tĭng 2 nău tâm rlong ăp nar lơ ma na nê̆ đah nău kan ntĭm nti ta ntŭk.