Ntoh ngơi ta rơh rƀŭn nglôch lôch, Tổng Bí thư Tô Lâm lĕ mbơh tơih bôk năp ăp nău geh tơm khlăy n’hanh ăp nkô̆ nău pah kan an geh ƀư bâh aƀaơ tât rơh rƀŭn nchră trung ưong tal 15 n’hanh Đaị hôị đại biêủ lam dak tal 14 bâh Đảng. Nkre lah na nê̆, Ban chấp hành Trung ương Đảng lĕ tâm nchră ƀư tơm , na nê̆ đah nău tâm ban ŭch âk nuĭh kan mbơh tơih tât râng ta n’gâng kan Chính trị, Ban Bí thư khoá 14. BCH Trung ương Đảng pă an n’gâng kan Chính trị n’hanh tiêủ ban nhân dân Đại hôị 14 bâh Đảng  an geh uănh n’hêl tay, ntop tay, ƀư lôch ăp trong kan săch nuĭh kan tĭng di đah trong pah kan săch nuĭh kan an BCH Trung ương Đảng khoá 14 n’hanh nău way săch nuĭh kan lĕ geh ndơ̆ mbơh gay ma mbơh tơih an BCH Trung ương Đảng uănh n’hêl ntrŭnh ta rơh rƀŭn nchră Trung ương tal 15 tât tay. Tâm let năp tay, Tổng Bí thư đă, rgum mât uănh, njêng an nău kan n’gâng kan ta ntŭk 2 gưl pah kan an geh săk rnglăy, tâm di.