
TN6: VOV.M’nông – Ôi 23/6, ta nkual ƀon têh Kon Tum, Ban Thường vụ N’gor ủy Kon Tum ƀư mâp măt kruanh n’gâng tơm 40 xă, phường mhe bah n’gor hăn dŏng đăp mpăn dâl bah lơ 1/7 tât. Tĭng N’gor ủy Kon Tum, tât aƀaơ ăp gưl ủy, ngih pah kan, ntŭk kan, ƀon lan tâm n’gor lĕ ntơm jêh ăp nkô̆ nău dơi nkoch tâm ăp N’glôn jêh bah Bộ chính trị, Ban Bí thư mpeh dăp tay rmôt kan ntŭk kan hành chính ăp gưl, ndâk njêng ntrong kan rmôt kan n’gâng kan ƀon lan 2 gưl.

Ta nar mâp măt kruanh n’gâng tơm 40 xă, phường mhe, Bí thư N’gor ủy Kon Tum Dương Văn Trang mĭn lah, nău tâm pleh, tâm pă ntŭk kan cán bộ ƀư kruanh n’gâng tơm xă, phường mhe dơi Ban Thường vụ N’gor ủy uănh, săch na nê̆ tĭng nkô̆ nău tâm di, rnoh an ƀư du trong uĕh, ƀon lan ƀư tơm. Nău săch cán bộ mât ƀư kruanh n’gâng tơm yor nău rƀŏng nsum an nău hun hao bah xă, phường. Bí thư N’gor ủy Kon Tum Dương Văn Trang mpŏng ŭch, ăp kruanh n’gâng tơm 40 xă, phường ta nău ƀư dơi jao kruanh, ƀĭt joet, mât uănh gay xă, phường hun hao.
Viết bình luận