Đại hội Liên Chi Hội Nhà báo Radio nău ngơi Việt Nam tâl 8, năm kan 2026 – 2031 ƀư ôi 11/6 hŏ sơch Ban Chấp hành Liên chi Hội Nhà báo Radio nău ngơi Việt Nam năm kan 2026-2031 lah 21 nuĭh. Ủy viên Ban Thường vụ Đảng ủy Trung ương Hội Nhà báo Việt Nam Phạm Mạnh Hùng geh nău dơi ƀư tay Kruanh Liên Chi hội Nhà báo Radio nău ngơi Việt Nam năm kan 2026-2031.

Đại hội ƀư đah nău tât râng bah 185 nuĭh ntơh măt tơm ntơh măt an 760 hội viên ta 20 chi hội mpeh nhih pah kan bah Radio nău ngơi Việt Nam. Tĭng trong nchrăp Đề án nuĭh kan Ban Chấp hành Liên chi Hội nhà báo Radio nău ngơi Việt Nam năm kan 2026 – 2031 hŏ dơi Ban chấp hành Liên chi hội rdâk njêng, Ban Thường vụ Đảng ủy Radio nău ngơi Việt Nam uănh an dŏng, Đại hội hŏ tâm ban ŭch sơch Ban Chấp hành Liên chi Hội Nhà báo Radio nău ngơi Việt Nam năm kan 2026-2031 lah 21 nuĭh. Đại hội sơch Ban Kiểm tra Liên chi hội Nhà báo Radio nău ngơi Việt Nam lah 3 nuĭh đŏng. Tĭng wa Phạm Mạnh Hùng, gay n’hao săk tam kan hội tâm rơh mhe, Ban Chấp hành năm kan mhe mbra nđơn tay nău dơi bah năm kan bah năp nơh, mô rlu n’hao nău dơi tam kan hội, rgop têk ndrêng n’hanh ntik n’hao nău way ơm báo chí cách mạng Việt Nam, di đah trong rƀŏng n’hanh nău dơn kan bah Radio nău ngơi Việt Nam.