Tâm nar 28/9, âk ntŭk ta n’gor geh mih dah găp, mih têh, geh ntŭk mih dŭt têh. Măng 28/9, ăp xã, phường ta n’gor Lâm Đồng geh mih tay, rnoh âk dak mih ngâr ntơm bah 20-40mm, geh ntŭk rlău 50mm. Mih têh lơh geh ma nău dak bŭk ta ăp dak me, dak diăng; pĭch rlâm neh, rluh rlâm neh ta jâng yôk, trong sop, brŏng dak n’hanh ăp njăr trong hăn. Nhih pah kan nchroh lor trôk nar mbơh njrăng lor dak bŭk, pĭch rlâm neh mbra lơh jêng kol trong, khuch tât nău rsong hăn, lơh khuch khat ndơ dŏng an ƀon lan n’hanh ntêt nkri tâm lam nuĭh ƀon lan.