Ôi nđaơ (26/11) ta nkual ƀon têh Hồ Chí Minh ntơm ƀư Rƀŭn nchră Wăng sa yan djiang năm 2025, đah Bôk nău “Rgâl uĕh kloh tâm Rach năm mrô”. Ntoh ngơi ta Rƀŭn nchră, Thủ tướng Phạm Minh Chính nkoch kloh: Rƀŭn nchră wăng sa yan djang năm 2025 mô knŭng lah nău ƀư lam ntŭr neh khlay, ma hôm pơk du trong hăn mhe âk mpŏng ŭch tâm trong kan ndrel hun hao n’hanh rgum lăp lam ntŭr neh bah Việt Nam; yor đăp mpăn, kan ndrel n’hanh hun hao tâm nkual n’hanh lam ntŭr neh.

Thủ tướng lah rjăp, Rƀŭn nchră Wăng sa yan djiang năm 2025 lah nău ƀư khlay saơ na nê̆ bôk rngok rgum nsum, trong uănh tâm pă n’hanh ƀư rêng hvi bah Việt Nam ndrel đah nsum mpôl lam ntŭr neh. Thủ tướng nsing nơm ăp nău rgop, mĭn ƀư mhe n’hanh ton dơi nkoch ta Rƀŭn nchră Wăng sa yan djiang năm 2025 mbra rêng lam n’hanh dơi ƀư đah ăp trong ƀư ngăn ngên-pơk luh an ăp mpŏng ŭch kan ndrel mhe n’hanh ăp nău ƀư na nê̆ gay ndrel nkra nâp du nău rêh rgŏ năp hun hao uĕh kloh, mrô n’hanh kon nuĭh uĕh an lĕ rngôch kon nuĭh.