Ôi ntri (5/11) ta Nhih pah kan Trung ương Đảng, ntơm pơk rgum tâm nchră tâl 14 Ban chấp hành Trung ương Đảng khoá 13. Tâm nchră rơh dja rgum tâm bar nkô̆ têh, nê lah rmôt nkô̆ nău mpeh pah kan Đại hội XIV bah Đảng n’hanh rmôt nkô̆ nău mpeh rdâk njêng Đảng n’hanh lam trong kan chính trị. Lah ntơm pơk tâm nchră, Tổng Bí thư Tô Lâm lah rjăp, ta Tâm nchră dja, Ban chấp hành Trung ương mbra an nău rgop mpeh rnoh âk Ủy viên Bộ Chính trị, Ủy viên Ban Bí thư năm kan Đại hội XIV n’hanh sơch nuĭh mbơh râng Bộ Chính trị, Ban Bí thư khóa XIV.

Aơ lah nău kan khlay mha êng, lah glo tơm bah glo tơm yor ăp nău n’glêh an kon nuĭh da dê. Sơch nuĭh mbơh an Ban kruanh rđău kan dŭt têh bah Đảng gay rđău đă an tĭng ƀư rnoh tât kan dŭt têh, dŭt lĕ n’hâm suan bah hun hao neh dak tâm rơh mhe jêng lơn ma uănh di na nê̆, dơi ngăn, leh găl. Tổng Bí thư an lah rlău ma ăp rnoh nsing di sơch tĭng quy định kơt đah ăp ủy viên Trung ương ma he n’gluh ta tâm nchră Trung ương 12 n’hanh 13 mhe aơ, nău sơch mbơh nuĭh râng Bộ Chính trị, Ban Bí thư khóa XIV ân lah rjăp tay du đêt nău ŭch đă geh khlay tâm di đah rơh cách mạng mhe bah Đảng he, neh dak he.