Ôi 20/10, ta Jay Quốc hội, Rơh hop tâl 10, Quốc hội khóa XV ntơm pơk ngăn n’hanh nchrăp mpôch dŭt tâm nar 11/12/2025. Aơ lah rơh hop n’glĕ dŭt bah Quốc hội khóa XV đah lĕ rngôch jong nar pah kan nklăp 40 nar, nchrăp mĭn uănh, n’gluh an dŏng 49 trong nchrăp luật.

Lôch lah ntơm pơk bah Kruanh Quốc hội Trần Thanh Mẫn, Quốc hội djăt Cính phủ rŏ rblang siƀŭt  mbơh lôch jêh tĭng ƀư trong nchrăp hun hao wăng sa – rêh jêng kon nuĭh năm 2025, 5 năm 2021-2025 n’hanh trong nchrăp năm 2026. Ủy ban Trung ương Mặt trận Tổ quốc Việt Nam rŏ siƀŭt mbơh rgum nău rgop, nău dăn đă bah cử tri n’hanh ƀon lan njuăl tât rơh hop. Rơh hop dja mô ƀư ôp rkhêl na nê̆ ta hội trường, rgâl tâm nê đại biểu njuăl nău ôp ma siƀŭt gay nhih pah kan, ăp nuĭh geh tât ơh. Aơ lah rơh hop geh nkô̆ khlay n’glôch jêh năm kan, uănh năl lam lĕ rngôch nsĭt nău dơi geh bah nău kan Quốc hội khóa XV.