Ôi 20/10, ta Hội trường Diên Hồng, Jay Quốc hội, hŏ ƀư ntơm pơk rơh hop tâl 10, Quốc hội khóa XV – rơh hop way tât leh n’glĕ dŭt bah năm kan. Lah ta rnôk ntơm pơk, Kruanh Quốc hội Trần Thanh Mẫn lah rjăp, tâm bah ri aơ nơh, ta nâm nău rđău kan lam lĕ rngôch bah Đảng, nău rđău đă grêt dăch bah Trung ương, Bộ Chính trị, Ban Bí thư ndrel nău lăp kan bah lam trong kan chính trị, nuih n’hâm nsum suan bah lam ƀon lan, neh dak hŏ geh âk nău dơi têh kuâng, lam lĕ rngôch, geh nkô̆ hôr khlay lịch sử.

Tĭng bôk nău kan, tâm nklăp 40 nar pah kan, Quốc hội mbra mĭn uănh, tâm nchră n’hanh n’glêh an âk nkô̆ khlay, têh jong, tâm nê geh 53 trong nchrăp luật, nghị quyết, lah 49 luật. Kruanh Quốc hội lah rjăp, aơ lah ndơ an saơ uĕh an nuih  n’hâm “pháp luật ân hăn dâk leo lor du njuat”, pơk trong an rgâl blău mhe, sŏk nău rêh, nău geh bah ƀon lan ƀư mâng weh bah trong kơl.