Thủ tướng Phạm Minh Chính mhe geh nău n’glêh an mpeh nău ntop kơl ndăn ngăch an ăp n’gor Thái Nguyên, Cao Bằng, Lạng Sơn n’hanh Bắc Ninh nkra bah khuch khat dak bŭk an tay bah kơi.

N’glêh an ntop kơl 140 rmen prăk bah tơm prăk rnă ntêm ngân sách trung ương năm 2025 an 4 n’gor gay ngăch ntop kơl ƀon lan n’hanh bôk năp nkra bah khuch khat dak bŭk (Thái Nguyên 50 rmen prăk, Cao Bằng 30 rmen prăk, Lạng Sơn 30 rmen prăk n’hanh Bắc Ninh 30 rmen prăk) kơt nău đă bah Bộ Tài chính. Thủ tướng jao Ủy ban nhân dân ăp n’gor: Thái Nguyên, Cao Bằng, Lạng Sơn n’hanh Bắc Ninh dơn mât dŏng rnoh prăk kơi ntop mhe nkoch bah lơ nê, đăp mpăn di quy định bah pháp luật mpeh prăk ngân sách ngih dak n’hanh ăp siƀŭt pháp luật êng ƀa ƀă geh tât, đăp mpăn dŏng di nău kan, di nuĭh, mbơh kloh rvah, mô an roh yot chot chrai.