Nkual 5 lah nkual nẹ “Ôi nking phŭt kêng măng nking duh n’heng”, geh ntŭk nkual neh dŭt khlăy mpeh nău kan tahen, mât rnă njrăng ngih dak. Tâm ăp năm ba năp, mpôl tahen Quân khu 5 lĕ ƀư lôch ueh nău kan geh pă jao, rdâk njêng nkual mât njrăng mbro, nâp nâl, nkre lah nău kan tơm ta trong njrăng rdâng n’hanh bah ir geh tât bâh mih sial trôk nar, nuh srê, nuh srê, kơl ƀon lan hun hao wăng sa, jut jăng ach o…Ndơn kan an nuĭh leo kan Đảng n’hanh Ngih dak, Thủ tướng Phạm Minh Chính lĕ pă Huân Chương Hồ Chí Minh an mpôl kan tahen Quân khu 5-ndơ nkhôm dŭt khlăy kơp dơn nău geh, tâm rgop n’hanh nău way ơm têh dăng bâh mpôl tahen tâm 80 năm rdâk njêng, tâm lơh n’hanh têh dăng. Thủ tướng knơm tahen Quân khu 5 an geh n’hao tay nău way ơm ntoh ang, nsrôih an dơi geh âk nău dơi lư, nău dơi kan, tâm rgop têh âk lơn an nău kan rdâk njêng n’hanh mât neh dak.

Di rơh aơ, Thủ tướng Chính phủ Phạm Minh Chính râng n’hanh ntĭm mbơh ta rơh ntơm ƀư Ngih nti phổ thông nội trú , bán trú Tiêủ học n’hanh Trung học cơ sở xã Tây Giang, nkuăl ƀon têh Đà Nẵng. Nău kan geh lĕ rnoh ntuh ƀư rlău 260 rmen prăk, nchrăp ƀư lôch ta n’gul năm tay.