Ôi 1/12, ta xã Hòa Thịnh (n’gor Dak Lak), Bộ Tư lệnh Quân khu 5 ƀư luh hăn kơl rdâk tay nhih jay an nuĭh ƀon lan geh jay rlâm, dak klôr rdu tâm rơh mih dak bŭk mhe aơ. Thiếu tướng Trần Thanh Hải-Groi Tư lệnh Quân khu 5 lah rjăp nău luh kơl rdâk nhih jay lah nău dơn kan, lah nău rŏng n’hanh ndơ an saơ n’grêh rêh nuih n’hâm “Yor an ƀon lan chuêl săk nơm” bah Tahen.

Ăp đơn vị mbra leo hăn khoa học, đăp mpăn rnoh ngăch, manh uĕh ngăn n’hanh uănh ăp mblâm jay lah ntŭk nsing gay kônh wa đăp mpăn nău rêh, nsan hao lôch bah dak bŭk. Quân khu 5 n’hanh ăp tahen binh chủng, tahen n’gâng kan ta pe n’gor Gia Lai, Dak Lak, Khánh Hòa rơh dja mbra an rdâk njêng rlău 400 mblâm jay an nuĭh ƀon lan nkual dak bŭk.