Quân khu 5 ntop kơl rdâk njêng nhih nti nội trú rep gưl ta nkual n’har bri
Thứ năm, 07:43, 21/05/2026
VOV/Nuĭh rblang: Điểu Thân
VOV/Nuĭh rblang: Điểu Thân
VOV.M'nông - Ta Bộ Tư lệnh Quân khu 5, Trung tướng Lê Ngọc Hải, Tư lệnh Quân khu 5 ƀư tơm tâm nchră djăt ăp nhih pah kan mbơh lôch jêh ôp uănh nău ŭch geh ntop kơl n’hanh rnoh ngăch rdâk mon nhih nti nội trú rep gưl tiểu học n’hanh trung học cơ sở ta ăp xã n’har bri tâm nkual Miền Trung – Tây Nguyên.
Aƀaơ, ta Quân khu 5 dôl an rdâk njêng 22 nhih nti nội trú rep gưl. Ăp nhih nti dơi ntuh kơl ăp kôp, têh uĕh mhe lĕ ma: rot jay hiệu bộ, thư viện, jrô nti tiểu học n’hanh trung học cơ sở, jrô nti bộ môn, jay dŏng âk ntil, ntu re, jay ŭnh, jay sa, nkual nội trú n’hanh ăp ndơ ntĭm nti thể chất.
Gay đăp mpăn ăp nhih nti năn sơch lăp nti tâm năm nti 2026-2027, ăp n’gor hŏ dăn đă Quân khu 5 ntop kơl mpôl kan, ndeh rklư râng ndăn ƀư ngăch, rgop kơl nhih nti ơm n’glăp dŏng, tŏng an nău ŭch geh kơt nti bah kon se nti nkual n’har bri, nkual dŭt jêr jŏt mha êng.
Viết bình luận