Quốc hội an mông nar lĕ kêng ôi aơ 10/11 gay rƀŭn êng mpeh trong kan nuĭh kan, ta Rơh rƀŭn tal 10. Ta Rƀŭn nchră rơh tal 14 mhe rlău, Ban Chấp hành Trung ương Đảng lĕ an rgop nău mpeh nuĭh kan du đêt gưl săk kan: Groi Kruanh (Rnâng kan) Quốc hội khóa 15 n’hanh Chánh án Ngih phat dôih ƀon lan gưl prêh năm kan 2021-2026 gay Bộ Chính trị ntrŭnh nkoch mbơh ta Rơh rƀŭn tal 10, Quốc hội khóa 15 săch tĭng nău ntrŭnh.

Tĭng nău ntrŭnh, Chánh án Ngih phat dôih gưl prêh jêh dơi săch mbra an mbơh dơn nău kan ta năp Quốc hội n’hanh nkô̆ nău aơ dơi pơk ntuh nău ngơi, pơk ntuh rup sŏng dăng gay ƀon lan n’hanh nuĭh ntoh măt uănh nđôi. Kêng măng ndrel nar, Quốc hội tâm nchră ta ngih rƀŭn mpeh 2 nău nchrăp ƀư Luật Dân số n’hah Luật njrăng n’gang kop ji. Kruanh N’gâng kan dak si mbra rblang, ƀư kloh du đêt nău đại biểu Quốc hội nkoch. Tĭng bôk nău pah kan tâm pơh aơ, Quốc hội nsơr ty mbơh an Nghị quyết mpeh trong nchrăp hun hao wăng sa-rêh jêng năm 2026; Nghị quyết mpeh nchrăp trok tơm prăk ngih dak năm 2026; Nghị quyết mpeh trong ƀư tâm pă tơm prăk Trung ương năm 2026.