Nar 4/12, Quốc hội tâm nchră ta hội trường mpeh ăp siƀŭt mbơh pah kan năm kan 2021-2025 bah Kruanh dak, Chính phủ, Quốc hội n’hanh ăp nhih pah kan bah Quốc hội, Kiểm toán Ngih dak, Nhih phat dôih ƀon lan gưl têh n’hanh Viện kiểm sát ƀon lan gưl têh. Ăp đại biểu năl lah năm kan 2021-2025 ƀư tâm rnôk dŭt âk jêr jŏt, ntul rlong, yơn neh dak nha hôm mât đăp mpăn đŏng, hun hao wăng sa dơi mât nâp n’hanh ăp njuat hăn đăt ndal khlay.

Đại biểu Quốc hội mpŏng tâm năm kan tât, Quốc hội n’hanh Chính phủ ndrel hăn tay lhăt, nta trong dơh dăng lơn an hun hao neh dak. Âk nău rgop dăn đă Quốc hội ntik n’hao nău khlay kan “hăn lor du njuat mpeh trong đă tĭng”, rdâng lơh ngăch đah rgoh n’gơ ngăn ngăn, uănh trong tĭng lah “đăt ndal bah đăt ndal”. Bah năp nê, kêng măng 3/12, ta Jay Quốc hội, Kruanh Quốc hội Trần Thanh Mẫn râng tâm nchră n’glôch jêh nău kan khóa XV bah Rmôt đại biểu Quốc hội way rnâng kan tâm n’gor.