Nthoi tay rơh hop tâl 10, nar 22/10, Quốc hội tâm nchră ta rmôt mpeh trong nchrăp Luật rgâl nkra, kơi ntop du  đêt nkô̆ bah Luật ntĭm nti, Luật ntĭm nti đại học n’hanh Luật ntĭm nti nău kan. Âk đại biểu Quốc hội uănh khlay tât nkô̆ nău nchih rgum ndrôm siƀŭt dơn ngoăy dŏng nsum lam dak, đăp mpăn săk blău n’hanh tâm di ngăn ngăn.

Trong nchrăp Luật ntĭm nti (rgâl nkra) lah rjăp nău njêng lam rêng ntĭm nti ƀon lan lam dak pơk hvi, mbluh rloh, kơi ntop trong leo nti nău  kan, nta trong dơh gay kon se nti nkre nti văn hóa nkre ntĭm nti nău blău kan. Trong nchrăp luật dăn đă ƀư dơh glêh siƀŭt, ntlơi pă an bằng tốt nghiệp trung học cơ sở n’hanh ndơ̆ nău dơi pă an bằng trung học phổ thông ntơm bah Giám đốc Sở Giáo dục n’hanh Đào tạo an Hiệu trưởng nhih nti. Ăp nău rgop tâm nchră rgum ƀư wat jêh quy định gay n’hao săk blău nuĭh kan, tŏng đah nău ŭch geh hun hao neh dak tâm rơh mhe.