Kêng măng 30/9, ta Hà Nội, Kruanh Quốc hội Trần Thanh Mẫn vơt Kruanh Quốc hội, Kruanh Hội đồng Ngih dak Cuba Esteban Lazo Hernandez khâl ngăn Việt Nam. Kruanh Trần Thanh Mẫn lah rjăp, Việt Nam mro uănh khlay ndrel ŭch ƀư jru nâp lơn tay nau tâm boh ueh khlay, tâm boh ăp ntil đah Cuba; nkre rnê prêh ăp nau dơi ma Đảng, Ngih dak ndrel ƀon lan Cuba tă geh dơi jêh Đại hội VIII.

Mpeh săk nơm, Kruanh Quốc hội Cuba lah ueh nau tâm kơl an bah ƀon lan Việt Nam, ngăn lah ăp nau kan tâm rgop, kơl an yor Mặt trận Tổ quốc ndrel Hội Chữu thập đỏ Việt Nam rgŏ jă. Wa lah rjăp aơ lah nau mpơl ân nau tâm rnglăp khlay đah bar dak, nkre lah rjăp nau kơl an mra geh dŏng gay rklaih ăp nau kan ndal, kơl an nau rêh ƀon lan. Bar ding tâm ban nau n’hao tâm boh nghih viện, lŏ bun dăp ân nau tâm boh ueh khlay Việt Nam-Cuba, uănh aơ lah nau tơm tâm nau tâm boh./.