Ôi 24/11, Radio nău ngơi Việt Nam (VOV) ƀư rgop kơl ƀon lan miền Trung, Tây Nguyên nkra bah khuch khat trôk nar lơh. Tổng Giám đốc Radio nău ngơi Việt Nam Đỗ Tiến Sỹ an gĭt đah aƀaơ đêt pơh, Radio hŏ rgop dŭt đêt 1 nar prăk khay, rgum geh bơi 500 rkeh prăk njuăl tât Mặt trận Tổ quốc Việt Nam ntop kơl nuĭh ƀon lan nkual dak bŭk.

Rơh rgŏ jă dja ntrŭt nsôr tay cán bộ, phóng viên, kỹ thuật viên n’hanh nuĭh kan tâm lam Radio lah nsum rgop kơl, uănh aơ lah nău dơn kan, nkah gĭt nuih n’hâm rŏng nuĭh gay rêng nuih n’hâm ntop kơl nsum mpôl. Radio mbra ntrôl dăng nchih nkoch báo chí nkoch ngăn nău nsrôih rdâk tay nău kan, kuaih kloh uĕh nhih nti, jrô nti mât chăm dak si, njrăng n’gang nuh srê n’hanh nsum suan bah n’gâng kan ta ntŭk, doanh nghiệp, mpôl kan dak bah dih, rgop tay suan ntrôl an ƀon lan rlău dơi jêr jŏt.