Ôi (18/9), ta Hà Nội, N’gâng kan Công an ƀư Rƀŭn nchră lam dak mbơh ƀư Nghị quyết mrô 147 lơ 22/5/2025 bah Chính phủ an trong kan lĕ rngôch lam dak njrăng n’gang, rdâng đah ăp ntêt nkri rnă njrăng mô tâm di tât năm 2030, uănh tât năm 2045.

Ntoh ngơi ta rƀŭn nchră, Thủ tướng Chính phủ Phạm Minh Chính lah rjăp nău n’hao trong nchroh mbơh, njrăng lor mpeh ăp ntêt nkri rnă njrăng mô tâm di; geh mĭn njêng uĕh, gĭt nu nău, bah nĕ n’gluh an trong mkra di. Năm tât, Thủ tướng đă n’hao wât mpeh ăp ntêt nkri rnă njrăng mô tâm di; nkoch trêng, ntĭm nti, năl mpeh ăp ntêt nkri rnă njrăng mô tâm di. Thủ tướng đă N’gâng kan Công an uănh khlay ntĭm nti, n’hao dơi an rmôt cán bộ râng njrăng n’gang, rdâng đah ăp ntêt nkri mô tâm di; ndăn tâm rgop đah ăp n’gâng kan, nău kan ndâk njêng n’gang an trong nchrăp mbơh ƀư trong kan lĕ rngôch lam dak njrăng n’gang, rdâng đah ăp ntêt nkri rnă njrăng mô tâm di tât năm 2030, uănh tât năm 2045.