Ôi nđaơ (9/10), ta Ngih Chính phủ, Thủ tướng Phạm Minh Chính ƀư tơm Rƀŭn nchră mbơh ƀư bôk nău kan rƀŏng tĭng lam dak njrăng n’gang ma túy tât năm 2030. Ntoh ngơi ntơm ƀư rƀŭn nchră, Thủ tướng lah rjăp, trong kan njrăng n’gang ma túy dơi Đảng, Ngih dak dŭt uănh tât; ntĭm rđău ndâk njêng n’hanh ndâk ƀư an âk bôk nău kan têh, geh săk rnglăy khlay, uĕh.

Thủ tướng đă ăp đại biểu rgum tâm nchră rblang uănh lah nu nău, nkô̆ nău gay njrăng n’gang săk rnglăy bah ơm, bah ngai, ngăn lah tâm druh ndăm rchong ta ăp ntŭk âk ma túy. Ăp trong mkra rjăp ăp ntil nău tih ma túy. N’hao săk rnglăy ât, mât uănh nuĭh mơng, trong mkra gay nsum mpôl kon nuĭh, rnăk wâl kơl nuĭh mơng nglăp nsum tay ntŭk gŭ rêh.