Quốc hội rƀŭn nchră tay, an rgop mpeh Bôk nău kan Rƀŏng tĭng lam dak rgâl mhe, n’hao uĕh ntĭm nti lvang 2026-2035, Bôk nău kan rƀŏng tĭng lam dak mpeh mât uănh săk soan, rnoh nuĭh n’hanh hun hao lvang 2026-2035, Kruanh Quốc hội Trần Thanh Mẫn lah rjăp, aơ lah 2 bôk nău kan ƀư na nê̆ tât nuĭh ƀon lan, lah ƀư uĕh, nuĭh ƀon lan mbra 4 ndrel nĕ lah ƀon lan gĭt, ƀon lan tâm nchră, ƀon lan uănh nđôi, ƀon lan dŏng.

Kruanh Quốc hội nkoch kloh, nău ndâk  njêng bôk nău kan rƀŏng tĭng lam dak mpeh ntĭm nti lah nău kan têh, đă ntuh kơl têh mpeh prăk n’hanh mông nar. Nău rƀŏng n’glêh dŭt an n’hao uĕh ntĭm nti lĕ rngôch, lơn lah uĕh rmôt nai cô n’hanh cán bộ mât uănh. An rgâl mhe nău way ơm an nkoch nău wât blău, hun hao dơi mkra nău; nău khlay lah dơi mât tu tơm bah trong ntĭm nti nĕ lah “tiên học lễ, hậu học văn”. Mpeh bôk nău kan rƀŏng tĭng lam dak mpeh mât uănh săk soan, rnoh nuĭh n’hanh hun hao lvang 2026-2035, aơ lah n’gâng tơm n’hao tam blău ngih dak si xă, phường; ntrôl dak si nchrăp lor, n’hao săk soan nuĭh ƀon lan ta nuih n’hâm “Njrăng kop ji rlău ma săm ji”. Kruanh Quốc hội đă kơt dŏng công nghệ, rgâl mrô n’hanh rgâl hun hao nuĭh kan dak si. Yor kon nuĭh lah nkô̆ nău ntrŭnh uĕh tam rhŏ an dak si, geh n’ăp ntĭm nti, jao an kỹ thuật, trong kơl an, n’hao nău wât, prăk kaih.