“Kahgĭt 100 năm Nar Báo chí Cách mạng Việt Nam n’hanh tâm mbơh mpeh nău kan, nău kơl, rnoh kan tơm an nău pah kan báo chí, rdâk njêng mpôl kan ăp nuĭh ƀư báo an tâm di đah nău ŭch hun hao ta rơh mhe” lah bôk nău rơh tâm nchră yor ntŭk nkan văn hóa, thể thao n’hanh pâl nđaih Đăk Lăk, Hội nhà báo n’gor, Ban tuyên giáo n’hanh dân vận n’gor ủy Đăk Lăk tâm rgop ƀư ta kêng măng lơ 17/6. Ta rơh tâm nchră, ăp đại biểu lĕ ndrel tâm mbơh mpeh ăp nău ntul rlong ngluh mbơh ta rơh mhe, dăn đă ăp trong kan rdâk njêng mpôl kan nuĭh ƀư báo an tâm di đah nău hun hao. Tĭng nău mbơh bâh Nhà báo Đàm Thị Thuần, groi Tổng Biên tập Báo Đăk Lăk, đă ăp nar lơ ma âk mpeh rgâl mhe rnoh mbrô n’hanh nău ueh mhe mbơh tơih nău mhe, nuih ƀư báo an geh mât nâp nău mĭn kan cách mạng, nău mĭn pah kan. Nkre lah, an geh ƀư blău, gĭt na nê̆ , gĭt vât na nê̆ ta ntŭk nơm kan, an geh lah ăp nuĭh kan rnoh mbrô, nuĭh ƀư báo rnoh mbrô. Đại biểu lĕ dơn ngoăy, đah ăp ntŭk tơm kơt Đăk Lăk, nău pă nău mbơh na nê̆ tâm di, ngăch ndăn tât đah ƀon olan, ngăn lah ƀon lan ta nkual njônh ngai, nkual rnoi đê̆, mô dơn lah nău kan tơm khlăy ma hôm nha lah nău kan chính trị, nău mĭn bâh nuĭh ƀư báo.