Măng ntri (29/10), ta Nhih  pah kan Chính phủ, Thủ tướng Phạm Minh Chính ƀư tơm rơh hop mpeh nô nău lôch bơi 4 khay n’glăp dŏng n’gâng kan 2 gưl.

Lah ta rơh hop, Thủ tướng Phạm Minh Chính an lah viên chức nuĭh kan n’hanh tơm  nuĭh kan ta du đêt n’gor bol hŏ dơi rmăn ăp tŏng n’hanh dăp rgum tay yơn mô hŏ đăp mpăn ngăn; cán bộ, công chức nha hôm mô hŏ gĭt blău nău way kan jru, lơn lah tâm ăp trong kan neh ntu, rdâk njêng, công nghệ thông tin. Tâm let năp tay, Thủ tướng dăn đă ăp n’gâng kan ƀư ăp tŏng trong đă tĭng, trong kơl. Rmăn ăp tŏng nuĭh kan, nchrăp tơm nuĭh kan, gay Bộ Nội vụ rdâk njêng ntŭk gŭ pah kan an n’gâng kan 2 gưl, lơn lah ta ăp ntŭk kan tâm dâng, đăp mpăn tâm di, năn ngăch.

Thủ tướng Phạm Minh Chính mpŏng lam rêng kan ngih dak ntik n’hao tay nuih n’hâm nsrôih an geh nău dơi âk, nsrôih têh lơn, dâk kan lĕ n’hâm suan, tâm rnglăp, dơn kan, blău ƀư mhe, ndơ̆ n’gâng kan bar gưl lăp kan ngăn, geh nău tam, rgop khlay rdâk njêng jâng nsing ƀư siƀŭt têh blău mhe, kloh rvah, an nuĭh ƀon lan, an neh dak.