Tâm mông nar n'gŭr răm wơt Trung thu, Rnâng kan Ban Bí thư Trần Cẩm Tú ndrel mpôl pah kan lĕ khâl n'hanh pă nklâm ndơ an ăp oh kon se ta Làng kon se SOS ta Hà Nội. Wa ŭch rŏng ăp băl kon se wơt Trung thu răm mƀak tâm jay dêh bên, uĕh lăng, nti blău. Wa Bùi Thị Minh Hoài, Kruanh Ủy ban Trung ương MTTQ Việt Nam lĕ tât khâl, pă nklâm ndơ an ăp oh kon se dôl săm ta Ngih dak si Nhi Trung ương. Ân geh ôp khâl, bonh đă ăp kon se ndrel rnăk vâl, wa Bùi Thị Minh Hoài ŭch ăp kon se ngăch dăng, ueh lăng; ăp rnăk vâl mro mât n'hâm soan, bonh đă nsum, ndrel ăp kon se rlet nau jêr, rlet nau ji. Kŏ tâm rnôk aơ, Kruanh Rnâng kan Tuyên Giáo Trung ương Trịnh Văn Quyết ndrel Rmôt hăn kan hŏ tât ôp khâl, bonh đă kon se ji tâm Ngih dak si Nhi Hà Nội ndrel Ngih dak si Quân y 103.