Tĭng bôk  nău kan ta rơh hop, ôi 15/5, Quốc hội tâm nchră ta hội trường mpeh Trong nchrăp Luật Năng lượng nguyên tử (rgâl nkra). Luật Năng lượng Nguyên tử dơi n’gluh an dŏng năm 2008, lôch 17 năm n’gluh an dŏng hŏ ntoh âk nău khoah, mô hŏ tŏng di đah nău ŭch geh ngăn hun hao neh dak aƀaơ, mô hŏ mpơl ăp tŏng nkô̆ tâm ton dak bah dih ma Việt Nam lah dak lăp kan nsum... Jêng, nău rgâl nkra luật lah nău khlay gay Việt Nam tŏng đah di đah nău ŭch geh hun hao ŭnh nar nguyên tử tâm nô nău mhe, lơn  lah plơ̆ ƀư tay bôk nău kan điện hạt nhân, n’glăp ăp nhih máy điện hạt nhân Ninh Thuận 1 n’hanh 2 nchuăt dŏng tâm lvang năm 2030-2035.

Tâm ôi aơ đŏng, Quốc hội djăt siƀŭt rblang dăn n’hanh nău mbơh uănh năl di tay trong nchrăp Luật rgâl nkra, kơi ntop du đêt nkô̆ bah Luật rmal prăk nuĭh tih; Trong nchrăp Luật rgâl nkra, kơi ntop du đêt nkô̆ bah Luật n’gluh an dŏng siƀŭt quy phạm pháp luật; Trong nchrăp rgâl nkra, kơi ntop du đêt nkô̆ bah Nội quy rơh hop Quốc hội. Kêng măng, Quốc hội tâm nchră ta rmôt mpeh: Trong nchrăp Luật Râng mât đăp mpăn bah Liên hợp quốc; Trong nchrăp Luật Ngân sách ngih dak (rgâl nkra)...