Lah ntơm pơk Rơh hop tâl 55 bah Ủy ban Thường vụ Quốc hội ôi 2/3, ta Jay Quốc hội, Kruanh Quốc hội Trần Thanh Mẫn dăn đă ăp nuĭh kan tâm Ủy ban Thường vụ Quốc hội ân ra uănh tay ăp nhih pah kan hao rblang dăn gay ƀư siƀŭt, mông nar n’hanh săk tam ăp trong nchrăp luật. Kruanh Quốc hội Trần Thanh Mẫn an gĭt, ta rơh hop dja, Ủy ban Thường vụ Quốc hội mbra an nău rgop đah 10 trong nchrăp luật n’hanh 01 trong nchrăp Nghị quyết nchrăp n’gluh an dŏng ta Rơh hop bôk năp.

Rnoh nău kan têh jâk, nău rgâl di dĭ hvi, âk nkô̆ nău hôm êng êng; dăn đă ăp nuĭh tâm Ủy ban Thường vụ Quốc hội, ăp n’gâng kan rgum ƀư kloh ăp nkô̆ nău hôm wăk kol, ăp trong kơl hôm geh ăp trong nchrăp sơch, ăp nkô̆ ân dăn nău rđău đă gay tâm ban ŭch lor rnôk hao mbơh dăn Quốc hội. Lah rjăp dơn hôm 13 nar đŏng lah ƀư rơh bầu cử, Kruanh Quốc hội nkah tay nău rđău đă bah Tổng bí thư Tô Lâm, nău dơn kan rgum tơm tâm khay 3 dja lah ân ƀư rơh bầu cử đại biểu Quốc hội n’hanh đại biểu Hội đồng nhân dân ăp gưl n’hanh nchrăp an rơh hop bôk năp, Quốc hội khóa 16, rơh hop bôk năp bah Hội đồng Nhân dân ăp n’gor geh nău dơi uĕh lăng.