Kêng măng aơ (11/5), ta Ngih rƀŭn nchră Ngih dak Mỹ Đình, Hà Nội ƀư rơh rƀŭn nchrăp lor Đại hội đại biểu lam dak Mặt trận Tổ quốc Việt Nam rơh tal 11, năm kan 2026-2031. Đah bôk nău “Tâm rnglăp-ƀon lan ƀư tơm-Rgâl mhe-Mĭn njêng mhe-hun hao”, Đại hội ƀư bah lơ 11 tât 13/5, lah nău chính trị-rêh jêng khlay, pơk bôk an năm kan mhe bah TMTTQ Việt Nam tâm rnôk ăp rmôt kan chính trị-rêh jêng n’hanh ăp rgum ƀon lan yor Đảng, Ngih dak jao nău kan lĕ sĭt mpeh MTTQ Việt Nam.

Râng Đại hội geh rlău 1.300 đại biểu, tâm nĕ geh 1.138 đại biểu na nê̆ geh Ủy viên Ủy ban Trung MTTQ Việt Nam khóa 10 djôt kan; đại biểu yor Đại hội MTTQ ăp n’gor, nkual ƀon têh n’hanh ăp rmôt kan đă, đại biểu ntĭm; nuĭh Việt Nam dak bah dih n’hanh cán bộ Mặt trận chuyên trách. Mbơh an chính trị mbơh an Đại hội geh bôk nău: “N’hao ƀư n’gâng tơm chính trị bah MTTQ Việt Nam mât uĕh ƀon lan ƀư tơm, nău way rŏng dak, soan dăng tâm rnglăp lam rnoi nuĭh, ndâk njêng neh dak hun hao têh dăng, uĕh ndrŏng, gĭt blău, uĕh lăng”. Ta rơh rƀŭn nchrăp lor kêng măng aơ, Đại hội ntơm ƀư hiệp thương đă Mpôl Kruanh, Mpôl Thư ký; mbơh an bôk nău kan, trong ƀư pah kan; mbơh nu nău đại biểu râng Đại hội; kiểm điểm nău kan bah Ủy ban Trung ương, Mpôl kruanh n’hanh Ban rnâng kan Ủy ban Trung ương MTTQ Việt Nam lvang 2024-2026; uănh mĭn tay samƀŭt mbơh nkra rgâl, ntop tay Điều lệ MTTQ Việt Nam.