Tâm nĕ, nkô̆ nău nkra rgâl Dăp rgum n’gor Dak Lak rnôk 2021-2030, trong uănh tât năm 2050 geh nkô̆ dŭt khlay. Dăp rgum rƀŏng tât nău năl kloh trong uănh, n’hâm soan hao jêng, lah ndơ leo trong hun hao gay dăp di nuĭh kan, wăch rgum nău nchrăp ƀư n’hanh mkra lôch ăp ntŭk kol.

Nkre, dăp rgum ƀư tĭng ntĭm rđău bah Tổng Bí thư, Kruanh dak Tô Lâm: Dak Lak an rgâl mhe nău mĭn, bah mât uănh an nâp nâl ntŭk ntô hun hao têh, mĭn lah nău ƀư tơm trong boăt nthoi Tây Nguyên đah nkual wăng sa n’hanh mpêr trong ngih dak. Bah meng trong kan dăp rgum, rơh rƀŭn uănh mĭn tay mbơh an ăp nghị quyết geh tât rnoh khlay neh, ndơ ƀư sŏk neh, ntuh kơl nsum, an manh prăk kơl an, mât ndrăy văn hóa chĭng gông, ndrel ƀư n’gâng kan n’hanh trong ƀư nău kan bah HĐND n’gor Dak Lak.