Kêng măng 30/12, ta Ngih kan Quốc hội, Văn phòng Quốc hội, Đảng bộ ntŭk kan Văn phòng Quốc hội ndrel Công đoàn ntŭk kan ƀư rƀŭn lôch nau kan năm 2024, ntrŭnh ƀư nau kan tâm năm 2025. Ntoh nau tâm nar rƀŭn, Kruanh Quốc hội Trần Thanh Mẫn kơp dơn ndrel rnê nau kan bah Văn phòng Quốc hội, ăp ntŭk kan, rmôt kan hŏ geh âk nau nsôih, rklaih dơi rnoh nau kan têh tâm nau ƀư đah âk nau ueh lơn. Lah rjăp năm 2025 lah năm geh Đại hội Đảng bộ ăp gưl, rƀŏng tât Đại hội ntoh măt lam dak tal 14 bah Đảng, nchră ân rơh săch kan ntoh măt Quốc hội gưl 16 ndrel săch ntoh măt HĐND ăp gưl năm kan 2026-2031;

Năm geh ăp nau kan chính trị khlay, kơt nkah 95 năm nar ndâk Đảng, 135 năm nar deh Kruanh Hồ Chí Minh; 50 năm nar rklaih đăp mpăn miền Nam, đăp mpăn neh dak, 80 năm nar ndâk dak, nchrăp nkah 80 năm nar săch kan bôk năp bah Quốc hội Việt Nam, Kruanh Quốc hội Trần Thanh Mẫn đă Văn phòng Quốc hội, Đảng uỷ ntŭk kan ndrel Công đoàn lŏ ƀư ueh nau kan, tâm rnglăp, blau mhe gay ƀư jêh nau kan geh jao./.