Ôi lơ 30/12, UBND nkuăl ƀon têh Đà Lạt, n’gor Lâm Đồng ƀư nau ryơk công nhân răk kloh ntŭk ntu hŏ geh âk nau kan ndâk nkuăl ƀon têh “ndrih-kloh-ueh’, rgop nau tâm nau dơi nsum bah Festival kao Đà Lạt tal 10 năm 2024. Nau gơih pah kan ndrel nau ƀư kan bah công nhân răk ntŭk ntu gop nau ƀư ndrih, kloh, ueh ndrel ndâk nkuăl ƀon têh Đà Lạt jêng nkuăl ƀon têh pâl n’aih ntoh lư, nkuăl ƀon têh Festival Kao Việt Nam, nkuăl ƀon têh blau mhe UNESCO tâm nau ƀư âm nhạc, nkuăl ƀon têh blau mhe rƀŏng tât đô thị ndơ ơm yau lam ntur neh.

Nkah nau rgop ngăn aơ, 181 công nhân geh nkuăl ƀon têh Đà Lạt rnê. Tâm nar rnê aơ, wa Nguyễn Thái Học, Bí thư n’gor uỷ Lâm Đồng ntoh nau kơp dơn ndrel rnê ăp nau rgop ueh bah công nhân răk kloh ntŭk ntu tâm nau mât nkuăl ƀon têh Đà Lạt mro kloh, ueh ngăn tâm nuih n’hâm bu năch tât, ngăn lah tâm khay ƀư Festival kao Đà Lạt tal 10 năm 2024. Nkre lah, kuăl jă ƀon lan tâm nkoch mbơh, nsum ty răk kloh ntŭk ntu đah ăp nau kan ngăn n’hêl./.