Nkah ndray Nar deh Kruanh Hồ Chí Minh, nar 18-5, ta Gia Lai, Mpôl tahen ơm Việt Nam ƀư tâm nđŭr nuĭh ntoh lư tâm kơt nti n’hanh ƀư tĭng nuih n’hâm uĕh lŏng, trong gŭ rêh Hồ Chí Minh.

Lôch 10 năm tĭng ƀư nău ntrŭnh 05 bah Bộ Chính trị, ăp gưl mpôl tahen ơm hŏ an ƀư âk trong leo kan, trong ntĭt leo nsĭt geh nău tam “Mpôl tahen ơm tâm kơl nsum hun hao wăng sa”, “5+1”, “2 jut, 3 kơl”, VAC, VACR, rnăk wâl mât rong têh, ndrung n’gar têh hvi… Bah nê kơl âk hội viên klaih rlău ach o, đăp mpăn nău rêh. Bah năm 2016 tât aƀaơ, ăp gưl hội hŏ rdâk njêng 23.000 mblâm jay tâm rŏng, ntop kơl jut jăng rlău 43.000 mblâm jay nkưp nde an hội viên jêr jŏt; hội viên hôm rong hang rkeh m² neh ƀư trong tâm ƀon lan mhe. Nkhêp geh rnôk dja, âk nsum mpôl, ăp nuĭh dơi ntăm an bằng khen yor geh nău dơi ngăch prăl tâm kơt nti n’hanh ƀư tĭng nău Wa.