Ôi 12/11, ta n’gor Ninh Bình, ƀư tâm nchră Bộ trưởng Lao động Việt Nam - Lào tâl 9 gay ntrŭt ntrôl tâm boh đah Bộ Nội vụ Việt Nam n’hanh Bộ Lao động n’hanh Phúc lợi xã hội Lào tâm trong nuĭh kan, nuĭh geh n’hâm suan. Lah ta rnôk tâm nchră, Bộ trưởng Bộ Nội vụ Việt Nam Đỗ Thanh Bình lah rjăp, aơ lah rnôk uănh tay lôch jêh tâm boh tâm bah ri aơ nơh n’hanh pơk rơh tâm boh mhe jru hvi, nsĭt geh nău dơi lơn.

Dŭt jêh tâm nchră, bar Bộ trưởng hŏ ký siƀŭt nchih nkah mpeh tâm boh tâm trong kan nuĭh kan n’hanh nuĭh geh n’hâm suan, rgop rdâk nâp tay tâm boh tâm rnglăp way ơm, tâm rnglăp mha êng đah bar dak. Tâm ton, bar mbra kan nsum ntrŭt ntrôl tâm boh mpeh joi geh nău kan, manh uĕh nuĭh kan, mât uănh nuĭh kan ntrơn hăn, rƀŏng tât đăp mpăn nău dơi geh bah nuĭh kan n’hanh rgop tâm nău hun hao wăng sa – rêh jêng kon nuĭh bah ăp dak.