Ôi ntri (6/10), nkhêp geh nkah ndray 80 năm Nar way ơm mpôl tahen Quân khu 3 (31/10), Đảng ủy, Bộ Tư lệnh Quân khu 3 kan nsum đah Báo Quân đội nhân dân ƀư Tâm nchră khoa học đah nkô̆ “Quân khu 3 - 80 năm way ơm n’gloh ang”. Ta Tâm nchră, ăp nuĭh ntơh măt hŏ lah rjăp nău rđău đă sŏng di bah Đảng, Kruanh Hồ Chí Minh, Quân ủy Trung ương, Bộ Quốc phòng – nuĭh n’glêh an tât nău dơi bah Mpôl tahen Quân khu 3; uănh năl lôch jêh rdâk njêng Quân khu 3 dăng hăr, glêh tam, dăng janh, hăn tât têh blău mhe; nău khlay n’gâng tơm tâm rdâk njêng ntŭk njrăng n’gang neh dak lam ƀon lan.

Ăp nău nchrăp lor dăn đă ta rnôk Tâm nchră hŏ lah rjăp nău khlay bah mpôl tahen Quân khu 3 tâm pah kan rgŏ jă, hun hao wăng sa- rêh jêng kon nuĭh, njrăng n’gang trôk nar lơh, kơl nuĭh geh tât rmanh, ndrel ntŭk nsing njrăng n’gâng neh dak; rhuăt luh nău tă ơm gĭt kan khlay tâm nău rđău đă, rdâk njêng n’hanh ntik n’hao suan dăng rgum bah mpôl tahen Quân khu; dŏng ngăn tâm trong ntĭm nti nău way ơm, rdâk njêng “ntŭk nsing tâm nuih n’hâm ƀon lan”, tŏng an nău ŭch geh mât njrăng neh dak tâm nô nău mhe.