Kêng măng 2/1, ta nkual ƀon têh Đà Lạt, n’gor Lâm Đồng lĕ ƀư rƀŭn nchră mbơh ƀư bôk nău kan ndrel uănh nđôi uĕh kah ndoh ndơ đah nkual ƀon têh Hồ Chí Minh n’hanh 5 n’gor Tây Nguyên. Bôk nău ƀư aơ kuăl lah “Tick xanh trách nhiệm” yor nkual ƀon têh Hồ Chí Minh ƀư bah khay 3/2024. Ŭch rƀŏng tât nkra njêng đăp mpăn, nâp nâl tă bah nău mbơh ntŭk tăch tĭng nău way ŭch êng, kloh rah wah n’hanh ngăn ngên.

Rƀŭn nchră mĭn lah, bôk nău kan lĕ dơi dơn nău kơl, uănh lah prêh bah ntŭk nkra njêng kơt dŏng trong uănh nđôi rjăp, n’hanh uănh aơ lah dơi hun hao ntŭk tăch, n’hao soan tâm rlong. Tât aƀaơ, bôk nău kan lĕ geh 8 nuĭh tăch chrai, siêu thị bôk năp bah lam dak tâm ban ŭch, hăn lor đah nău leo bah nuĭh pă an tâm trong râng. Di rơh aơ, nkual ƀon têh Hồ Chí Minh, ăp n’gor Tây Nguyên n’hanh 8 nuĭh tăch chrai lĕ ký ton kan ndrel uănh nđôi uĕh kah ndoh ndơ. Tâm nĕ, ăp n’gor Tây Nguyên lĕ đah nău kan ntop kơl ăp doanh nghiệp râng “Tick xanh trách nhiệm”, pă manh ndơ uĕh kah âk an ăp trong tâm pă.