Kêng măng 22/2, ta Ngih Chính phủ, Thủ trướng Phạm Minh Chính ƀĭt joet rơh rƀŭn uănh lah nu naư Tết Nguyên đán Bính Ngọ 2026 n’hanh mbơh ƀư ăp nău kan khlay jêh Tết. Ăp nău rgop ta rơh rƀŭn tâm ban ŭch mĭn lah, ăp gưl, nău kan, ƀon lan lĕ ƀư an nuĭh ƀon lan wơt Tết răm m’ak, đăp mpăn, ntêm nkrem, tâm kơl, tŏng ăp mô an geh nuĭh mô geh Tất, jêng mông nar răm rhơn lăp tâm năm mhe.

Đah nuih n’hâm “sa tết dơh đêt, pah kan ơm, lăp nău kan dâl”, rơh rƀŭn lah rjăp đă mbơh ƀư rĭng, săk rnglăy nău kan, trong mkra lĕ dơi Trung ương, Quốc hội, Chính phủ mbơh an; ntrôl nkra njêng tăch rgâl, ƀĭt joet nău kơl prăk kaih ngăch, ntrôl dăng pă an prăk ntuh kơl nsum, nkra rgâl kỷ luật hành chính, mkra  mô tŏng nuĭh kan, nta an joi nău rêh nâp nâl an nuĭh ƀon lan, nsrôih geh hao jêng năm 2026 bah 10% let lơ. Thủ tướng mĭn lah nu nău Tết đăp mpăn ta ăp ntil nău, prah tâm tom ndeh n’hŭch lĕ 3 ntil nău, trong kan dak si, truyền thông geh âk nău rgâl uĕh. Mpeh nău kan năm 2026, Thủ tướng đă rgum đăp mpăn wăng sa têh, uănh nđôi nău hao mhe, ntrôl rgâl mrô n’hanh kloh uĕh, n’hao săk rnglăy jêng wăng sa, rgâl nău rêh nuĭh ƀon lan, mât nâp njrăng n’gang bri dak, rnă njrăng, ƀư tơm neh dak.