Ntoh ngơi nglôch lôch rơh kan, Thủ tướng an lah ta Tây Nam Bộ lah nsum n’hanh Vĩnh Long lah êng hôm nha geh âk nău kan gay ma dơi geh nău hun hao ngluh mbơh. Ngăn lah, rnoh hun hao GRDP pe khay bôk năm 2026 bâh n’gor geh 5,3%, ê hŏ geh ta rnoh âk lĕ geh rdâk njêng. Thủ tướng đă Vĩnh Long an geh rgâl mhe nău mĭn, njêng nău kan mhe, an tâm ban kơt ngoăy nău pah kan, rgâl mhe trong kan, ntrôl dăng ntuh kơl ta công nghiệp, dịch vụ n’hanh hun hao rnoh kan. Tĭng nău mbơh bâh Thủ tướng, n’gor an geh uănh năl săch kan na nê̆ nău mpong hun hao bâh ăp ntrong kan kơt công nghiệp, rdâk njêng, tăch rgâl, dịch vụ n’hanh tuch tăm, pă nău kan na nê̆ an ăp ntŭk, ăp n’gâng kan, doanh nghiệp hăn ndrel đah rnoh kan pah kan.