Măng 23/11, Thủ tướng Phạm Minh Chính ndrel i ur ndrel rmôt kan ntoh măt gưl prêh Việt Nam tă bah Cộng hoà Nam Phi, lôch rơh hăn râng rƀŭn gưl prêh G20 năm 2025 ndrel âk nau kan bar ding. Đah nau dơi lah bu năch geh jă bah Kruanh G20, Thủ tướng râng ăp nau kan tâm rơh rƀŭn gưl prêh G20 ndrel rđau kan ăp dak kan nsum, neh dak geh jă ndrel ntŭk kan bah lam ntur neh. Tâm rơh tâm nchră mpeh nau hun hao nâp nâl, geh nsum ndrel ndrel nau rgop bah G20 ân lam ntur neh nâp êng nơm.

Thủ tướng đă G20 ntrŭt dăng tâm boh lam ntur neh ryơk nau vay, rklaih nau tâm rkeh, mât nau kan tăch rgâl âk ding ma WTO ƀư tơm, đăp mpăn tơm prăk kloh rvah, tâm ban nkre pơk trong hun hao tâm nau ntrơn rgâl mrô, ntrơn rgâl ndrih. Di rnôk aơ, Việt Nam ndrel Nam Phi ton mbơh n’hao lơn tay tâm boh jêng dak ƀư âk nau kan nsum, ntrŭt dăng tâm boh văng sa, tăch rgâl, ntuh kơl, rƀŏng tât nkô̆ leo văng sa bar ding geh 4-5 rmen đôla tâm năm 2-3 năm tât./.