Ôi ntri (4/8), ta Nhih pah kan Chính phủ, Thủ tướng Phạm Minh Chính – Kruanh ban rđău đă gưl neh dak mpeh hun hao n’gâng kan công nghiệp bán dẫn ƀư tơm Rơh hop tâl bar bah Ban rđău đă. Ta rơh hop, Thủ tướng Phạm Minh Chính lah rjăp, rơh Cách mạng công nghiệp tâl puăn ƀư dŭt n’hâm, lơn  lah nkô̆ nău bán dẫn, nuih n’hâm dơn kan, điện toán đám mây, internet vạn vật... lah trong kan dôl hun hao dŭt ngăch, rgop an nău hun hao nsum bah ăp dak, tâm nê geh Việt Nam.

Tâm dak, Thủ tướng an gĭt dôl an ƀư ăp bôk nău kan, trong nchrăp, tâm nê geh Nghị quyết 57 bah Bộ Chính trị mpeh đăt ndal hun hao khoa học, công nghệ, rgâl blău mhe n’hanh ndơ̆ rgâl mbrô gưl neh dak, ăp Nghị quyết bah Quốc hội, Chính phủ... gay ntrŭt ntrôl khoa học công nghệ, rgâl blău njêng mhe, rgâl mbrô, ntrŭt ntrôl gŭ mĭn, ƀư njêng, ntĭm nti tơm nuĭh kan, tâm pă tơm ndơ, hun hao ntŭk ntô ndơ dŏng, rdâk njêng ăp trong tĭng gay ntrŭt ntrôl hun hao. Thủ tướng đă ân njêng luh đăt ndal tâm trong kan công nghiệp bán dẫn. Nău ŭch hun hao năm aơ lah 8,3-8,5% ri n’gâng kan công nghiệp bán dẫn Việt Nam ân hun hao, geh trong têk ndrêng, njêng n’gu wăr bah n’gâng kan.