Ôi 3/3, Thủ tướng Chính phủ Phạm Minh Chính ƀư tơm rơh rƀŭn tal 7 Ban Ntĭm rđău ăp ndơ ƀư khlay, nău nchrăp ƀư khlay ngih dak ntil nău trong ndeh treng. Ntoh ngơi ntĭm rđău, Thủ tướng lah rjăp bah rnôk Ban ntĭm rđău, nău mbơh ƀư ăp nău nchrăp ƀư trong ndeh treng geh nău rgâl uĕh, đăp mpăn geh nău lĕ rngôch n’hanh săk rnglăy âk lơn.

Thủ tướng đă ăp n’gâng kan, nău kan, ƀon lan mât uĕh nuih n’hâm lĕ đah nău kan, janh mĭn janh ƀư, rgum dôh rklaih wăk kol gay hun hao công nghiệp trong ndeh treng. Đah trong Lào Cai-Hà Nội-Hải Phòng, an ntrôl ngăch mbơh ƀư ăp nău nchrăp ƀư, jêh mbơh an mĭn njêng uĕh, ntrôl ngăch mbơh ƀư nthoi trong, ndâk ƀư ntung rlău n’har bri n’hanh ƀư uĕh trong kan trok, ƀư ntŭk gŭ mhe. Đah trong têh hăn ngăch Bắc-Nam n’hanh ăp nkual têh ta Hà Nội, TP.HCM ndrel du đêt trong nthoi nkual, Thủ tướng đă ndâk ƀư trong nchrăp na nê̆, dăn đă trong mkra ngăch, đăp mpăn geh uĕh di n’hanh rĭng tâm ban.