Măng 9/3, Thủ tướng Chính phủ Phạm Minh Chính kuăl điện tâm nchră ma Tổng thống ăp dak Ả-rập ndơn ngoai (UAE) Sheikh Mohammed bin Zayed Al-Nahyan tâm nchră tât nau kan tâm nkuăl ndrel ntrŭt dăng tâm boh Việt Nam-UAE.

            Ntoh nau rvê tât nau dôl tâm rkeh đah ŭnh nar ndrak nsiu, bar rđau kan tâm ban nau n’hao lơn tâm boh tâm nau kan mât đăp mpăn ŭnh nar. Nsing tâm nuih n’hâm khlay bah nau tâm boh đah Việt Nam, Tổng thống UAE mbơh mra kơl an ueh ngăn nau ŭch ŭnh nar bah năp măt ndrel jŏ jong bah Việt Nam.

            Tâm rnôk tâm kuăl điện tâm nchră, bar rđay kan tâm nchră jru lơn tay mpeh âk nau kan ngăn gay ntrŭt făng tâm boh bar ding, ngăn lah tâm ăp nau kan tâm boh tâm di đah nau kơl an ndrel nau dăng bar ding kơt ntuh kơl tơm prăk tâm ntŭk kan tơm prăk lam ntur neh ta Việt Nam, nsôih ntrŭt dăng ăp nau kan ntuh kơl tơm tâm nau kan prêh, ntŭk ntu ngih vâl, logistics, ơm ƀư ngăn ăp nkô̆ nau kan tăch rgâl bar ding rlau 10 rmen đôla tâm rơh ơm ngăn./.