Ta rơh pah kan rơh aơ, Thủ tướng Chính phủ Phạm Minh Chính lĕ geh bôk nău pah kan dut ueh, đah 19 nău kan ndrel, geh nđâp rơh tâm nchră đah Thủ tướng Trung Quốc vụ Viện Trung Quốc Lý Cường, ndrel đah Thủ tướng Lý Cường geh saơ rơh tâm rgâl công hàm njêng Tổng Lãnh sự quán Việt Nam ta Trùng Khánh, nkual mât kan êng rnoi Choang Quảng Tây...Ta ăp rơh tâm nchră, tâm mbơh kan bâh Thủ tướng Phạm Minh Chính đah Thủ tướng Trung Quốc Lý Cường n’hanh nuĭh leo kan n’gor Vân Nam, Trung Khánh, Quảng Tây, bar ding dơi geh âk nău gĭt vât nsum khlăy mpeh nău mbơh tơih tay, ƀư na nê̆ nău uănh năl nsum gâl têh, ntrôl nău tâm boh kan khlăy Việt Nam đah Trung Quốc, tâm nĕ geh ăp ntŭk Trung Quốc hun hao ăp nar lơ ma săk rnglăy, na nê̆, nâp nâl.