Kêng măng 23/2, ta Hà Nội, Thủ tướng Chính phủ Phạm Minh Chính khâl, pah kan đah Bộ Văn hóa, Thể thao n’hanh Pâl nđaih mpeh an ƀư Nghị quyết Đại hội tâl XIV bah Đảng tâm trong kan văn hóa, an ƀư Nghị quyết mbrô 80 bah Bộ Chính trị mpeh hun hao văn hóa Việt Nam. 

Ta rơh pah kan, Thủ tướng Phạm Minh Chính lah rjăp, nău ŭch hun hao bah n’gâng kan Văn hoá Thể thao n’hanh Pâl nđaih dŭt âk, lơn lah ân ƀư Nghị quyết Đại hội đại biểu lam dak tâl XIV bah Đảng geh tât trong kan văn hóa; an ƀư Nghị quyết 80 bah Bộ Chính trị; Bôk nău kan tĭng ƀư Nghị quyết 80; an ƀư bôk nău kan gưl neh dak mpeh văn hóa, rdâk njêng đề án hun hao công nghiệp văn hóa, pâl rlưn. Thủ tướng đă Bộ Văn hoá Thể thao n’hanh Pâl nđaih ra uănh tay ăp trong tĭng, trong kơl tâm Nghị quyết Đại hội tâl XIV bah Đảng, Nghị quyết 80 bah Bộ Chính trị, rgum ăp kô̆ yơn, wăk kol tâm ngăn ngăn bah trong kan văn hóa gay n’glăp tâm Nghị quyết bah Quốc hội.