Ôi ntri (10/11), Thủ tướng Chính phủ Phạm Minh Chính, Kruanh Hội đồng Tâm rlong – Nkhôm rnê Trung ương râng Đại hội tâm rlong rŏng dak Bộ Ngoại giao lvang năm 2025-2030.

Ta tâm nchră, Thủ tướng dăn đă n’gâng kan tâm boh dak bah dih ntik n’hao tay trong dâk leo lor, rgâl mhe dăng nău mĭn n’hanh trong an pah kan tâm boh dak bah dih ta lĕ rngôch ăp trong kan; rdâk njêng jâng nsing tâm boh dak bah dih, gĭt năl, têh blău mhe, nsĭt săk tơm tâm boh dak bah dih Việt Nam – nâp dăng mpeh nău way, jôn rbăn tâm trong kan, rŏng nuĭh, uĕh di tâm mbơh ngơi, du trong tĭng đah nău ŭch geh bah neh dak- rnoi nuĭh, tâm di đah Hiến chương Liên hợp quốc n’hanh luật pháp dak bah dih. Thủ tướng nsing nơm n’hanh ŭch rŏng đah nău way ơm n’gloh ang 80 năm aơ, n’gâng kan tâm boh dak bah dih mbra ntik n’hao tay nău khlay dâk chŏl lor, tâm rnglăp, blău ƀư mhe, njêng geh âk nău dơi têh kuâng lơn đŏng, rgop ndrel lam dak nâp jâng chuăt hăn tâm rơh hun hao mhe- rơh hun hao dăng, geh ndrŏng, rsang rnglay, rhơn răm, nâp jâng chuat hao tât chủ nghĩa xã hội.