Bar hê nuĭh leo kan lĕ geh nău rhơn ta năp nău 2 dak n’hao nău tâm boh kan ntrong kan lĕ rngôch ta khay 5 năm 2025, uănh năl nău tâm kơl kan Việt Nam- Thái Lan dôl hun hao têh dăng, săk rnglăy ta âk trong kan. Thủ tướng Chính phủ lah na nê̆ Việt Nam mbra nta tay nău dơh nơih an doanh nghiệp Thái Lan ntuh kơl, tăch rgâl geh nău dơi ta Việt Nam, nkre lah ŭch 2 ding an ntrôl dăng nău tâm rgop mpeh trong hăn, tâm kơl rnă njrăng, văn hóa, ntĭm nti n’hanh tâm nđur ƀon lan. Thủ tướng Thái Lan tâm ban ŭch âk, lah na nê̆ nău khlăy an geh tâm rgop kơl kan na nê̆ gay ma ndŏ rnoh prăk tăch ndơ đah 2 dak geh tât 25 rmen đôlar ăp năm, nkre lah ŭch geh tay âk doanh nghiệp Việt Nam ntuh kơl ta Thái Lan tâm ăp trong kan công nghiệp, tuch tăm n’hanh công nghệ mhe.