Ta rơh vơt, Thủ tưóng Phạm Minh Chính lah na nê̆ Việt Nam rgâl mhe nău kan hun hao, tâm nĕ an geh hun hao ngăch n’hanh nâp nâl, knơm ta khoa học công nghệ, rgâl mhe nău kan, rgâl mhe rnoh mbrô, hun hao wăng sa ueh nđir, nău wăng sa tĭng nău tă geh kan, wăng sa nău kan mhe, ngăn lah hun hao n’gâng kan bán dẫn. Thủ tướng đă Hiệp hội doanh nghiệp bán dẫn lam ntur neh n’hanh ăp tập đoàn kan ndrel lĕ n’hao nău tâm kơl kan đah ăp nuĭh kan ndrel ta Việt Nam tâm trong rdâk njêng ndơ dŏng ntung trong, rgâl mbơh công nghệ kơl an, ngăn lah tâm kơl hun hao rnoh nuĭh kan tâm trong kan bán dẫn, rgâl mhe nău dơi kan, kơl an Việt Nam njêng mpôl way kan n’hanh kĩ sư geh nău dơi ta lam ntur neh an tâm di đah nău ŭch ta ntŭk tăch rgâl. Chính phủ Việt Nam lah na nê̆ nău nsrôih hun hao têh dăng n’gâng kan công nghiệp bán dẫn, mpŏng tât nău ŭch ndơ̆ Việt Nam jêng nău kan khlăy ngăn tâm rnoh pă dŏng bán dẫn lam ntur neh.