Kêng măng 22/9, ta ntŭk kan Chính phủ, Thủ tướng Chính phủ Phạm Minh Chính ƀư tơm nar rƀŭn bôk năp, Rnâng kan rđau kan Trung ương mpeh nau ntrŭnh ngih gŭ ndrel ntŭk tăch neh ntu. Thủ tướng đă, ƀư kloh đŏng lah mô nau kan ƀư nsrŭng tăch neh ntu gay ma rgâl, ngăn lah ân ơh dơi nau mhâm ƀư rnoh chung cư lŏ khlay ndrel prêh mro.  Tĭng nau mbơh tâm nar rƀŭn, tâm 9 khay rlau aơ, lam dak geh du rbăn 816 nau kan neh gŭ, nkuăl đô thị mhe geh ƀư. Rnoh tăch rgâl neh ntu tâm rơh rlau aơ geh rlau 430 rbăn nau kan; rnoh neh gŭ rnôk aơ tâm prêh.

Tâm rơh rƀŭn, Thủ tướng Phạm Minh Chính mbơh kloh: nau kan ngih gŭ ndrel ntŭk tăch neh geh nau dơi khlay, rgop nau ntrŭt dăng hun hao, n’hao nau nâp nau rêh bah ƀon lan, pơk trong mhe ân neh dak. Thủ tướng ngăn ngên ƀư rjăp nau ntrŭnh mpeh ngih gŭ, đăp mpăn nŭih ƀon lan geh rvăt ndrel manh, đăp mpăn nau dơi kon nŭih ndrel đăp mpăn gŭ âm. Thủ tướng lah rjăp nuih n’hâm “ăp nau yor ƀon lan, nsôih prêh, nsôih têh, pah kan rjăp, pah kan ân dơi, ƀư nau kan ân lôch du ntil; pă nau kan ân 6 kloh: kloh nŭih, kloh kan, kloh mông nar, kloh nau dơi, kloh nau kan ndrel kloh ndơ nơm njêng ân geh nau dơi, rgâl ngăn tâm hun hao ngih gŭ ndrel ntŭk tăch neh ntu”./.