Ta Ngih Chính phủ, Thủ tướng Phạm Minh Chính ƀư tơm rơh rƀŭn Chính phủ ăp rơh khay 9 n’hah Rƀŭn nchră trực tuyến Chính phủ đah ăp ntŭk ta lam dak. Ntoh ngơi ta rơh rƀŭn, Thủ tướng Phạm Minh Chính đă rgum mbơh ƀư rơh tâm rlong hô ngăn gay lôch jêh nău kan n’gluh an. Đah trong way ƀư “N’hao , dŭt n’hâm, nsrôih, lôch jêh, mô ƀah ƀon lan, ƀa ƀơ mĭn ƀư mhe, săk rnglăy prêh”, Thủ tướng an lah tâm rnôk ƀĭt joet an janh dăng, mĭn bôk rngok, rlăp nkân, mĭn ƀư mhe, tâm pleh, ngăch, săk rnglăy.

Tâm ăp nău kan khlay, Thủ tướng đă nchrăp uĕh, na nê̆ ăp nkô̆ nău rhŏ an Rƀŭn nchră Trung ương 13 n’hanh Rơh rƀŭn tal 10, Quốc hội khóa 15. Kơl lor đăp mpăn wăng sa têh, uănh nđôi ntoh hao mhe, đăp mpăn ăp tâm pă têh bah jâng wăng sa n’hanh ntrôl hao jêng. Thủ tướng đă uănh nđôi rjăp nu nău, tŏng ăp đăp mpăn ntŭk tăch, rnoh khlay, ngăn lah ăp ntil ndơ, nău rhŏ yor ngih dak mât uănh. Ntrŭt đă dŏng ndơ tâm dak, hun hao dăng ntŭk tăch tâm dak. Mbơh ƀư dŭt n’hâm, ngăch, săk rnglăy ăp Nghị quyết bah Bộ Chính trị. Mbơh ƀư, pơk dŏng săk rnglăy ntrong ƀư n’gâng kan ƀon lan 2 gưl.