Rƀŏng tât nkah 79 năm nar tahen ơm, tahen sôt rmanh, kêng măng 15/7, Thủ tướng Lê Minh Hưng ndrel rmôt kan hăn kan bah Trung ương tât leo nkao, mpoh kthup gay nkah ăp tahen jang dăng lĕ khĭt tâm ntŭk môch tâp Vị Xuyên, n’gor Tuyên Quang. Ntŭk môch tâp ăp tahen khĭt lah ntŭk tâp bah rlau 1.971 tahen ndrel 2 ntu môch tâp rgum nsum. Bah năp ntŭk nchih nkah nau kan têh ang, ntoh măt rđau kan Đảng ndrel Ngih dak, Thủ tướng Lê Minh Hưng ndrel ăp ntoh măt hŏ n’hơr nkao, mpoh kthup.

Dŏng du mnĭt nhêp măt gay nkah tât ndrel ntoh nuih n’hâm nkah jru ngăn bah năp ăp nau dơi têh ang bah ăp tahen lĕ khĭt yor nau đăp mpăn, dah rŏng bah neh dak. Tâm nau tâm lơh mât nkuăl n’har bri mpeh ba lơ, tâm ntŭk tâm lơh têh dăng Vị Xuyên, đah ăp nau nsôih mĭm ƀư rjăp “Rêh kuăn lŭ gay lơh phung rlăng, khĭt njêng jêng lŭk mô blau khĭt”, tahen ndrel ƀon lan nơm hŏ janh dăng tâm lơh, chuêl săk nơm gay ma mât ăp blah neh huyêng khlay bah neh dak nơm./.